Сайт знаходзіцца ў адкрытым тэсціраванні, старая версія: old.anibel.net

анімэмангакіноблогпра нас
×

Вы можаце шукаць тайтлы па іх беларускай, рускай, англійскай назве, або па словах у тэксце апісання.

Ru

Увайсці

Палітыка Анібел што да ахвяраванняў

Анібел – некамерцыйны праект, які не мае мэты зарабляць грошы. Мы прынцыпова не размяшчаем на сайце ды ў сацыяльных сетках рэкламу і платныя допісы. Дамен, хостынг і прома-матэрыялы аплочваюцца членамі каманды; увесь кантэнт робіцца перш за ўсё на энтузіязме і з любові да нашай роднай беларускай мовы.

Зараз нам хапае сродкаў для ўтрымання і развіцця праекта. Але нельга вылючыць, што ў будучыні мы можам звяртацца па дапамогу кам’юніці, калі не зможам за кошт уласных сродкаў утрымліваць рэсурсы.

Анібел – гэта некалькі каманд перакладчыкаў, раскіданых па ўсёй Беларусі. У гэтых творчых групах кожны адказны за свой кавалачак працы: пераклад, рэдактуру, дабінг, гукаінжынерыю, рэлізы, клін і тайп для мангі. Кожная серыя анімэ, кожная глава мангі, з’яўляюцца на сайце дзякуючы руплівай працы многіх чалавек.

Ахвяраванні – гэта спосаб аддзячыць за творчасць і падтрымаць гэтых людзей. Праз форму данатаў на сайце вы пераводзіце грошы непасрэдна тым, хто працаваў над перакладам: грошы трапляюць на рахунак рэлізера і размяркоўваюцца паміж камандай.

На сайце выкарыстоўваецца расійская сістэма Яндекс.Грошы, якая дазваляе зручна данаціць як з картак Visa або MasterCard, так і праз тэрміналы. На жаль, сістэма апрацоўвае плацяжы выключна ў расійскіх рублях. У форме аплаты нашага сайту вы выбіраеце суму ў беларускіх рублях (BYN), аўтаматычна пераходзіце на Яндэкс.Грошы, дзе яна канвертуецца ў расійскія рублі (RUB).

Некаторых аўтараў можна падтрымаць падпіскай на Patreon – у гэтым выпадку з карткі штомесяц будзе спісвацца заданая вамі сума, а вы станеце патронам перакладчыка і зможаце атрымоўваць за гэта розныя прыемныя бонусы: імя ў цітрах, падзяка голасам напрыканцы серыі, або нават агучка тайтлу па вашаму выбару.

Любая дапамога вельмі важная для праекту. Ахвяруючы нават невялікія сумы аўтарам кантэнту, вы падтрымліваеце справай нашу работу і самі непасрэдна ўдзельнічаеце ў стварэнні наступных перакладаў, моцна натхняеце і матывуеце нас каваць яшчэ больш якаснага кантэнту, робіце ўнёсак у развіццё і пашырэнне беларускай мовы і культуры!

Каментарыі

Каб захаваць каментарый трэба ўвайсці ва ўліковы запіс або стварыць яго.
Увайсці ва уліковы запіс

Няма каментарыяў :'(

Інфармацыя

Пра насНавіны

Зваротная сувязь

Напісаць зварот

Мы ў сацыяльных сетках

Анімэ - японская анімацыя са спецыфічнай малёўкай, разлічаная не на дзяцей, а на дарослых. У сюжэтах анімэ і мангі часта падымаюцца сур'ёзныя і неадназначныя тэмы - пры праглядзе трэба ведаць, што дзеянні герояў не варта ўспрымаць літаральна і браць за прыклад. Драматычная форма падачы сюжэта, учынкі герояў - гэта характэрная асаблівасць жанра, якая падкрэслівае вострую праблематыку, спосаб лепш перадаць мараль твора, вылучыць і паказаць мяжу дабра і зла.

Частка кантэнту на гэтым сайце не прызначаная для прагляду асобамі, якія не дасягнулі 18 год - калі ласка, звяртайце ўвагу на ўзроставыя абмежаванні, указаныя на старонцы прагляду.

Калі вы знаходзіцеся ў крызіснай сітуацыі, вам няма з кім абмеркаваць свае праблемы, звяртайцеся на бясплатную ананімную гарачую лінію - вам дапамогуць:http://www.bsmp.by/patsientam/ekstrennaya-psikhologicheskaya-pomoshch-telefon-doveriya-v-belarusi

Гэты сайт не захоўвае файлы на сваіх серверах, усё змесціва забяспечваецца іншымі сэрвісамі. Матэрыялы ўзятыя з крыніц, дзе яны знаходзяцца ў свабодным доступе і прызначаныя толькі для дамашняга азнаямлення, усе правы належаць іх аўтарам. Калі размешчаныя на рэсурсе матэрыялы парушаюць вашы аўтарскія правы, просім напісаць нам пра гэта - мы прыбрярэм іх з сайта.
2017-2021
|
Anibel Project
|