Нашаму сайту два гады!

Шаноўныя гледачы, у нашага праекта сёння дзень нараджэння! Таму мы вырашылі падвесці вынікі мінулага года і падзяліцца планамі на будучыню. За гэты год вас, гледачоў, на нашым сайце стала ўдвая больш, і мы вельмі ўдзячныя вам за падтрымку.

АНІМЭ

Асноўным дасягненнем года стаў штосезонны выпуск ангоінгаў. Некаторыя з іх былі агучаны і выкладаліся штодня. Зараз на сайце знаходзіцца болей за 200 тайтлаў, каля 60 з іх былі перакладзены за мінулы год!



Топ анімэ за мінулы год:

1. Узыходжанне героя шчыта
2. Сага аб Вінландзе
3. Тваё імя
4. Блаславі мяне ў гэтым цудоўным свеце!
5. Дзень, калі я стала Богам
6. Сузіраючы калготкі
7. Аб маім перараджэнні ў слізь 2

МАНГА

Змены і поспехі таксама ёсць і ў Белманзе. Каманда плёна пачала працаваць над перакладам ангоінгаў, а таксама завяршае старыя праекты. Зараз на сайце каля 60 мангі на любы густ! Самы час зацаніць!



Топ мангі за мінулы год:

1. Стальны Алхімік
2. У вайны не жаночы твар
3. Сельскагаспадарчыя гісторыі
4. Евангеліён
5. Цудоўны коцік Кю

АФЛАЙН

Сумная навіна для аматараў афлайну. Праз COVID-19 нам давялося адмовіцца ад удзелу ў тэматычных мерапрыемствах на невызначаны тэрмін. А большасць пляцовак, на якіх мы ладзілі свае паказы і тусоўкі былі зачынены на невядомы час. Тым не менш мы спадзяемся, што ў хуткім часе сітуацыя з пандэміяй і пляцоўкамі зменіцца і мы вернемся да гэтай справы. Зараз жа вы можачаце падпісацца на нас у інстаграме, каб быць у курсе нашай афлайн актыўнасці: instagram.com/anibelby

ФІЛЬМЫ І СЕРЫЯЛЫ

У гэтым годзе дасягненнем, якім мы можам ганарыцца стала адкрыццё новых для нас гарызонтаў: фільмаў, серыялаў і мультфільмаў. Самымі папулярыныя на сайце, з якіх гэта Мандалорац і Рык і Морці. Глядзіце больш у нашым каталозе!

БУДУЧЫНЯ

У бліжэйшай будучыні мы будзем развіваць новыя напрамкі, а таксама спрабаваць новыя фарматы для нашага ютуб-канала, такія як:





Таксама на нашым канале вы знойдзеце агляды на анімэ сезонаў, трэйлеры і віншаванні. Яшчэ мы маем твіч канал стрымы, на якім абмяркоўваем анімэ, размаўляем з гледачамі і адказваем на пытанні!

ШАНОЎНЫЯ ГЛЕДАЧЫ

Вялікі дзякуй, што глядзіце анімэ на роднай мове, удзельнічаеце ў нашых івэнтах, пішаце каменты і пажаданні. Вашыя водгукі і падтрымка – тое, што надае нам сілы рухацца наперад і ствараць!

ДАЛУЧАЙЦЕСЯ ДА КАМАНДЫ!

Анібел шукае перакладчыкаў, рэдактараў, спецыялістаў па СММ і маркетынгу, дызайнераў, гукарэжысёраў. Не саромцеся і далучайцеся да праекта, мы заўжды рады новым людзям – у нас дружная каманда, цёплы прыём, усяму патрэбнаму навучым. Давайце ствараць будучыню айчыннага фандабу разам: anibel.net/blog/2!