Anibel

Ру / Бел
  • Пераклад
  • Год
  • Жанры
  • Студыі
  • Перакладчыкі
  • Рэдактары
  • Даберы

Добрыя прадвесці / Good Omens [6 з 6]

Год: 2019
Стан: выпускаецца
Пераклад: субцітры
Студыя: DLE

У цэнтры сюжэта — анёл Азірафаэль і дэман Кроўлі, якія аб'ядноўваюць сілы, каб папярэдзіць канец свету, таму што за доўгія стагоддзі яны паспелі звыкнуцца з жыццём на Зямлі.

DUB
SUB
1/1

Праз паўстагоддзя паэзіі / Pół Wieku Poezji Później [1 з 1]

Год: 2019
Стан: завершанае
Пераклад: агучка і субцітры
Студыя: DLE

Праз чвэрць стагоддзя пасля пагрому ў Рывіі здзяйсняецца напад на Каэр Морхен, стары аплот ведзьмароў Школы Ваўка. Узначальвае атаку магутны воін Агай. Праз некалькі год Арнэла Віга, якую падазраюць у знаходжанні легендарнай Кнігі Альзура, уцякае з нядаўна адноўленай школы чарадзеек Арэтузы. Трыс Мерыгольд праследуе бяглячку, а ёй на дапамогу прыходзяць стары бард Казялец, яго незаконны сын Юліян і Ламберт — апошні забойца пачвар, які прагне помсты.

Сардэчна запрашаем у Пекла, Ірума! / Mairimashita! Iruma-kun [23 з 23]

Год: 2019
Стан: завершанае
Пераклад: субцітры
Студыя: DLE

У кожнай сям'і бываюць праблемы, у тым ліку фінансавыя, і вырашаць іх прыходзіцца па-рознаму. Вось толькі часам рашэнні, што прымаюцца, аказваюцца, мякка кажучы, экстрэмальнымі. Якраз так і было ў сям'і школьніка Ірумы Судзукі, калі высветлілася, што бацькі вырашылі прадаць яго д'яблу. І не так ужо моцна яны мелі патрэбу ў грашах, проста нядбайным бацькам Ірумы захацелася лёгкага жыцця. І вось Ірума вокам міргнуць не паспеў, а ён ужо ў свеце дэманаў, і дэман, які выкупіў яго ў бацькоў, моліць таго стаць яго ўнукам! Увогуле, гэта гісторыя пра тое, што і ў Пекле можа быць даволі весела!

Дараро / Dororo [24 з 24]

Год: 2019
Стан: завершанае
Пераклад: субцітры
Студыя: MAPPA

У перыяд Сэнгоку ў Японіі даймё Дайго Кагэміцу змаўляецца з 12 дэманамі. Ён аддае ім ненароджанага сына ў абмен на квітненне ягоных зямель. Дзіця нараджаецца хворым, яно кінута на волю лёсу. Праз гады сірата Дараро сутыкаецца з таямнічым Хякімару, хлопчыкам, у якога замест рук лёзы, а сляпыя вочы бачаць монстраў.

Аб маім перараджэнні ў слізь OAD / Tensei shitara Slime Datta Ken OAD [5 з 5]

Год: 2019
Стан: завершанае
Пераклад: субцітры
Студыя: DLE

Дадатковыя серыі анімэ «Аб маім перараджэнні ў слізь», выпушчаныя ў камплекце з 12-м, 13-м, 14-м, 15-м і 16-м тамамі мангі.

Створаны ў Бездані: У прыцемках блуканняў / Made in Abyss Movie 2: Hourou Suru Tasogare [1 з 1]

Год: 2019
Стан: завершанае
Пераклад: субцітры
Студыя: Kinema Citrus

Бездань — адно з найбольш небяспечных месцаў на Зямлі. Трапіць у непрыемнасці там прасцей за простае. Тым больш, калі ты дзіця. Нават калі вандруеш па ёй з хлопчыкам-робатам. Тым больш калі трапляеш у Кубак тытана — адну з самых таямнічых частак Бездані, у якой з-за туману пры ўсякім жаданні на адлегласці нічога не разгледзець. Менавіта ў такія непрыемнасці трапляюць Рыка з Рэгам, пасля таго, як сыходзяць з лагера шукальнікаў. Але ці змогуць яны выбрацца з іх цэлымі ці хаця б жывымі?

Створаны ў Бездані: На пачатку прыгод / Made in Abyss Movie 1: Tabidachi no Yoake [1 з 1]

Год: 2019
Стан: завершанае
Пераклад: субцітры
Студыя: Kinema Citrus

Першы фільм з трылогіі. З'яўляецца дапоўненым пераказам першых 8 серый анімэ «Створаны ў Бездані». Аднойчы на адных з верхніх ўзроўняў Бездані — вялізнай яміны, якая вядзе да самых глыбінь Зямлі і поўніцца загадкавымі пачварамі і каштоўнымі рэліквіямі — дзяўчынка Рыка сустракае Рэга — хлопчыка, падобнага на робата, які, як ёй здаецца, паднаўся да яе з самага дна Бездані. Яна дапамагае хлопчыку пасяліцца на паверхні, але ў хуткім часе атрымлівае ліст з Бездані, куды яе заве маці. Няздольная адмовіць, Рыка бярэ з сабой Рэга і побач з ім пагружаецца ў поўныя жаху і невядомасці глыбіні, каб знайсці ў іх сваю маму.

Спатканне з жыццём III / Date A Live III [12 з 12]

Год: 2019
Стан: завершанае
Пераклад: субцітры
Студыя: J.C.Staff

Пасля таго, як Сідо Іцука зачараваў усіх духаў, можна было больш не перажываць і расслабіцца... Але не, усё не так проста! На Зямлю працягваюць заяўляцца ўсё новыя дзяўчыны-духі, і, каб пазбегнуць канфлікта, патрэбен Сідо. Цяпер яму зноў прыйдзецца ладзіць спатканні з духамі. Ён сутыкнецца і з новай небяспечнасцю, паколькі далёка не ўсе духі гатовыя так проста развітацца са сваімі сіламі. Па ходу дзеянняў яму будуць замінаць такія арганізацыі як КАД, якая хоча знішчыць усіх духаў і DEM, якая хоча выкарыстоўваць духаў у сваіх мэтах. І ўсё ж Сідо што-небудзь прыдумае, бо ён робіць гэта ўжо не першы раз. Застаецца толькі пажадаць яму ўдачы ў ягоных новых прыгодах.

Аб маім перараджэнні ў слізь — Гутарка: Дзённік Вэльдоры / Tensei shitara Slime Datta Ken: Kanwa — Veldora Nikki [1 з 1]

Год: 2019
Стан: завершанае
Пераклад: субцітры
Студыя: DLE

Іфрыт, які быў спайманы ў пастку Рымуру дзякуючы навыку «Драпежнік», успамінае падзеі першага сезону падчас дыскусіі з Вэльдорай, гуляючы пры гэтым у сёгі. З іхняй гутаркі мы даведваемся пра меркаванне Іфрыта і Вельдоры наконт усіх падзей серыяла.

Прамар / Promare [1 з 1]

Год: 2019
Стан: завершанае
Пераклад: субцітры
Студыя: Trigger

Галоўны герой — Гало Цімос, навічок у пажарнай брыгадзе "Палымяныя ратаўнікі". Пад час аднаго з заданняў ён сутыкаецца з Ліё, лідарам тэрарыстычнай групоўкі мутантаў-падпальшчыкаў "Шалёныя Апаленыя", і дапамагае ўладам нарэшце спыніць яго злачынствы. Аднак, праз нейкі час Гало даведваецца, што свет не такі, як ён думаў...

DUB
SUB
8/8

Мандалорац / The Mandalorian [8 з 8]

Год: 2019
Стан: завершанае
Пераклад: агучка і субцітры
Студыя: DLE

Серыял паводле сусвету «Зорных войнаў» распавядае пра смутныя часы пасля падзення Галактычнай Імперыі. Найміт-адзіночка, прадстаўнік некалі вялікай і высакароднай расы мандалорцаў, вымушаны цяпер бадзяцца па Галактыцы ў пошуках працы.

Пяць нявест / 5-toubun no Hanayome [12 з 12]

Год: 2019
Стан: завершанае
Пераклад: субцітры
Студыя: Tezuka Production

У другакурсніка старшай школы Футаро Уэсугі няма ні капейкі пры душы, таму, знайшоўшы магчымасць падзарабіць, ён ідзе на гэты крок без роздумаў, ды і ніякіх падводных камянёў не прадбачыцца. Ад яго толькі і патрабуецца, што стаць рэпетытарам. Але апынулася, што падцягваць па вучобе прыйдзецца ўласных аднакласніц! Ды яшчэ пяцярых сясцёр-блізнят! Усе голас у голас, волас у волас прыгажуні-дзяўчыны, аднак паводзіны вымушаюць жадаць лепшага. Усе пяцёра зносіць не могуць вучобу і знаходзяцца на мяжы адлічэння. Пра тое, каб зрабіць з іх выдатніц не можа быць і гаворкі. Спачатку прыйдзецца прынамсі заваяваць іх давер. Цяпер у Уэсугі што ні дзень, то прыгода, поўная флірту і пацешных непаразуменняў з сёстрамі-пяцярнятамі!