Наота Нандаба — звычайны японскі шасцікласнік. Яго аднастайнае жыццё крута мяняецца, калі з'яўляецца Харухара Харуко, якая збівае Наоту на скутары, а потым яшчэ і б'е па галаве бас-гітарай. У той жа вечар ён сустракае Харуко ў сябе дома ў якасці хатняй гаспадыні. Пазней аказваецца, што пасля ўдару з галавы Наоты могуць вылазіць гіганцкія робаты. У яго пачынаецца новае жыццё, у якім можа адбыцца нават разбурэнне ўсяго горада.

Карпарацыя Rath распрацоўвае новую тэхналогію — Соўл Транслэйтар, якая ўзаемадзейнічае з душой чалавека. Кірыто прымае ўдзел у яе выпрабаваннях і пераносіцца ў Андэрворлд — дзіўны свет, зусім не падобны на іншыя VRMMO. Згодна з умовамі кантракту, які падпісаў Кірыто, яму сціраюць памяць пра гэты свет. Аднак, ужо ў рэальным свеце імя Аліса выклікае ў хлопца дзіўнае пачуцце, быццам ён забыўся на нешта важнае. Праз нейкі час Кірыто прачынаецца ў дзіўным лесе. Спрабуючы зразумець, як ён тут апынуўся, ён сустракае хлопца, які павінен быць NPC, але паводзіць сябе зусім як чалавек. І тут да Кірыто пачынаюць вяртацца ўспаміны пра гэтага хлопца і дзяўчынку — яго сяброў дзяцінства...

2026 год. На месца Amusphere прыходзіць Аўгма — прылада, якая выкарыстоўвае функцыю дапоўненай рэальнасці, што робіць яе выкарыстанне больш бяспечным і зручным. Дзякуючы гэтаму заваявала вялікую папулярнасць і сама Аўгма, і гульня для яе — Парадкавы ранг, у якой ёсць асаблівасць — рангавая сістэма, дзе ад ранга залежыць сіла іграка. Кірыто з сябрамі пачынаюць гуляць у новую гульню, але хутка даведваюцца, што з ёй не ўсё так проста.

Дзеянні анімэ адбываюцца на востраве Хакайда ў горадзе Сапара. Аднойчы вечарам галоўная гераіня Мінарэ Кода пад уплывам алкаголю вылівае свае горычы ва ўдзячныя вушы незнаёмца, якога сустрэла ў бары. Не адна першая, хто раскрывае душу чалавеку, якога ніколі больш не пабачыць, але толькі ў яе выпадку наступствы хвіліннай слабасці апынуліся маштабнымі і страшэннымі. Незнаёмец апынуўся працаўніком радыё і на наступны дзень Мінарэ разам з астатнімі жыхарамі Хакайда пачула свае скаргі ў эфіры перадачы. У злосці Мінарэ прыязджае на радыёстанцыю, дзе каварны дырэктар хітрасцю ўцягвае яе ў шоу. Гэты невяілікі скандальны эпізод нечаканым чынам уплывае на ўсе аспекты жыцця Мінарэ, якая ўсё глыбей аказваецца зацягнута ў захапляльны свет радыё.

Віртуальныя гульні набіраюць папулярнасць, увесь час з’яўляюцца новыя. Здаецца, усё добра, але з VRMMO зноў узнікаюць праблемы: у Gun Gale Online з’яўляецца загадкавы ігрок, які выстралам у гульні можа забіць чалавека ў рэальным свеце. Пра гэта Кірыто даведваецца ад Сэйдзіро Кікуокі, які працуе ў віртуальным аддзеле МУС. Кікуока просіць нашага героя высветліць, што адбываецца. У ходзе падзей Кірыто знаёміцца з Сінон, найлепшым снайперам GGO. І ёй, здаецца, пагражае небяспека.

Юі хоча пабачыць кіта, выконваючы падводнае заданне разам з Кірыто ў «Alfheim Online». Аднак у ходзе задання выясняецца, што Ліфа не ўмее плаваць. Асуна і іншыя дзяўчаты вырашаюць трэніраваць Сугуху ў басейне ў рэальным свеце. А ў гэты час Кадзуто сустракае сяго-таго...

Галоўны герой — Гало Цімос, навічок у пажарнай брыгадзе "Палымяныя ратаўнікі". Пад час аднаго з заданняў ён сутыкаецца з Ліё, лідарам тэрарыстычнай групоўкі мутантаў-падпальшчыкаў "Шалёныя Апаленыя", і дапамагае ўладам нарэшце спыніць яго злачынствы. Аднак, праз нейкі час Гало даведваецца, што свет не такі, як ён думаў...

Для Ёты Нарукамі настала апошняе школьнае лета, якое ён рупліва траціць на падрыхтоўку да ўступных іспытаў. І сітуацыя была б самай звычайнай, калі б не мілае стварэнне па імені Хіна, якое прадставілася ўсёведнай багіняй. Ёта збіты з панталыку, а таму ў ейныя словы аб тым, што праз трыццаць дзён настане канец свету, не верыць. Але здольнасці, якія дэманструе дзяўчына, пераконваюць яго. Тым часам тая вырашае застацца ў кампаніі новага знаёмага — так пачынаецца іхняе самае апошняе лета.

2022 год. Выйшла шматкарыстальніцкая гульня новага пакалення - "Sword Art Online". Смерць там азначае смерць у рэальным свеце, а збегчы адтуль немагчыма. Не ведаючы пра гэта, дзесяць тысяч ігракоў апынуліся ў пастцы, выбрацца з якой можна толькі калі прайсці ўсе сто паверхаў Айнкрада - велізарнага палаца, якім з'яўляецца свет гэтай гульні. Галоўны герой Кірыто, адзін з найлепшых мечнікаў SAO, збіраўся прайсці гульню адзін. Але на яго шляху з'яўляецца майстар рапіры Асуна, якая пераконвае яго працаваць у пары. Цяпер яны вымушаныя разам супрацьстаяць не толькі босам паверхаў, але і іншым ігракам.