Anibel

Ру / Бел

Эксперыменты Лэйн / Serial Experiments Lain [3 з 13]

Год: 1998
Стан: выпускаецца
Пераклад: субцітры
Студыя: Triangle Staff

Івакура Лэйн – сціплая чатырнаццацігадовая дзяўчынка, адна з многіх дзяўчат яе школы, якія атрымалі дзіўны электронны ліст ад іх аднакласніцы Ёмоды Цісы – той самай Ёмоды, якая нядаўна здзейсніла самагубства. Раней Лэйн не мела ні здольнасцяў нават да самых простых аперацыяў з камп’ютарамі, ні жадання вучыцца, але адкрыўшы ліст, дзяўчынка з галавой акунаецца ў Сеціва – віртуальны свет, падобны да таго, што мы называем інтэрнэтам.

Гісторыі аб ранах, частка 3: Халодная кроў / Kizumonogatari III: Reiketsu-hen [1 з 1]

Год: 2017
Стан: завершанае
Пераклад: субцітры
Студыя: Shaft

Трэці і апошні фільм з серыі Kizumonogatari. Пасля перамогі над паляўнічымі на вампіраў, Арарагі ўрэшце вяртае Кіс-Шот усе яе скрадзеныя канечнасці, а з гэтым цела дарослае жанчыны і ўсю яе вампірскую моц. Але ці дапаможа гэта яму стаць чалавекам? І ці хоча ён цяпер гэтага наогул?

Гісторыі аб ранах, частка 2: Гарачая кроў / Kizumonogatari II: Nekketsu-hen [1 з 1]

Год: 2016
Стан: завершанае
Пераклад: субцітры
Студыя: Shaft

Другая частка серыі палнаметражных фільмаў па Monogatari. Пасля заключэння дамовы з Осіно Мэмэ, Арарагі павінен перамагчы трох паляўнічых на вампіраў – Драматурга, Эпізода і Ката – і забраць у іх канечнасці Кіс-Шот. Ці атрымаецца ў яго перамагчы гэтых траіх? Ці зможа ён зноў стаць чалавекам, вярнуўшы Харт-Андэр-Блэйд яе канечнасці? Як, у рэшце рэшт, абараніць Ханэкаву ад усяго, што адбываецца ў горадзе?

Гісторыі аб ранах, частка 1: Жалезная кроў / Kizumonogatari I: Tekketsu-hen [1 з 1]

Год: 2016
Стан: завершанае
Пераклад: субцітры
Студыя: Shaft

25-га сакавіка, апошні дзень другога года старэйшай школы для Арарагі Каёмі. Ён, як і любы нармальны школьнік, чакае апошніх для яго летніх канікулаў, як раптам сустракае Ханэкаву Цубасу, дзяўчыну з той жа школы. Яны знаёмяцца, і Цубаса расказвае хлопцу пра плёткі, якія нядаўна пачалі хадзіць па горадзе: у ім з'явіўся вампір. Ужо тым жа вечарам Арарагі даведваецца, што дурныя безпадстаўныя плёткі насамрэч не такія дурныя і зусім не безпадстаўныя.

DUB
SUB
11/11

Given / Given [11 з 11]

Год: 2019
Стан: выпускаецца
Пераклад: агучка і субцітры
Студыя: Lerche

"Усё пачалося з гэтага акорда. Але я паняцця не меў, што тады моцна біў прама па струнах ягонага сэрца." Рыцука Уэнояама звычайны старшакласнік. Ён грае на гітары ва ўласным гурце, любіць гуляць у баскетбол. Але апошнім часам рэчы, якія ён раней так любіў, перасталі выклікаць у ім тыя ж пачуцці... Усё змянілася, калі ён выпадкова сустрэў Мафую Сато, пачынаючага гітарыста з ягонай школы. Той аказаўся надзвычай таленавітым вакалістам. Уэнояма запрашае яго ў свой гурт і пакрысе дыстанцыя паміж імі пачынае скарачацца.

Акадэмія маленькіх вядзьмарак / Little Witch Academia [1 з 1]

Год: 2013
Стан: завершанае
Пераклад: субцітры
Студыя: Trigger

Гэта гісторыя распавядае пра дзяўчынку-чараўніцу Ако. Хаця, зваць яе чараўніцай будзе не зусім правільна. Вырасла яна ў звычайнай сям'і, так што магіі яе з дзяцінства ніхто не вучыў і ніякіх здольнасцяў у яе няма. У акадэмію Ако прыйшла натхнёная магічным спектаклем, які яна ўбачыла ў дзяцінстве. Спадзяючыся на цікавыя і вясёлыя заняткі, яна паступае ў акадэмію «Луна Нова», аднак большасць яе ўрокаў — гэта толькі тэорыя: чытанне кніг, лекцыі, запісы і амаль ніякіх практычных заняткаў, што відавочна не па душы вядзьмарцы-пачаткоўцу. Аднойчы яе клас адпраўляецца ў лабірынт для пошуку рэдкіх прадметаў па заданні настаўніка. Прагульваючыся па калідорах падзямелля, Ако чуе крык і, канешне ж, адразу кідаецца на дапамогу. Праз некаторы час, дзякуючы сваёй сяброўцы-алхіміку, яна знаходзіць новую, яшчэ нязведаную частку лабірынта. Монстры? Старажытныя артэфакты? Магічныя загадкі? Усё трэба знайсці, пазнаць і паглядзець, нельга стаяць на месцы, бо гэта шанец паказаць сябе і нарэшце дабіцца поспехаў у вядзьмарстве. Заўвага: «Акадэмія маленькіх вядзьмарак» — адно з чатырох анімэ, якія атрымалі 38 мільёнаў іен (каля 480 тысяч долараў) з "Праекта падрыхтоўкі маладых аніматараў 2012".

Дарога да Школы Чыа-чан / Chio-chan no Tsuugakuro [12 з 12]

Год: 2018
Стан: завершанае
Пераклад: субцітры
Студыя: Diomedea

У гэтым анімэ мы пазнаёмімся з Чыа-чан, якая шалёна любіць гуляць у гульні. Бывае, што яна так загуляецца, што спазняецца ў школу, хаця, нават калі і своечасова выйдзе, то па дарозе яна ў любым выпадку трапіць у мноства непрыемнасцяў, якія трэба пераадолець перш чым дайсці да школы. У большасці выпадкаў яна спазняецца...