Хіна Сато — 13-гадовая дзяўчынка, якая жыве ў партовым гарадку ў прэфектуры Міягі і якая любіць фігурнае катанне. Застаўшыся без маці ў выніку землятрусу 2011 года, яна разам са сваім бацькам жыве ў часовым жыллі. З сумнымі ўспамінамі пра землятрус і любячую маці, бесжурботная Хіна працягвае ісці насустрач сваім марам.

15 гадоў таму, Акі Міягава пераехала ў Токіа, каб здзейсніць сваю мару — стаць барабаншчыцай. Але сумяшчаць трэніроўкі з падпрацоўкамі аказалася даволі цяжка. І цяпер, яна вяртаецца ў свой родны горад, каб трэніраваць маладых барабаншчыкаў да асенняга фестывалю.

Дзякуючы нанатэхналогіям у медыцыне і высокаму ўзроўню этычнага і сацыяльнага забеспячэння у будучым свет дасягнуў утопіі. Аднак ідэальным свет так і не стаў. Тры дзяўчыны вырашылі запярэчыць таталітарным атрыбутам утапічнага свету і паспрабавалі скончыць жыццё самагубствам. Аднак гэта ім не ўдалося. Пазней адна з дзяўчын, Туан Кірые ўступае ў Сусветную Арганізацыю Аховы Здароўя, і знаходзіць іншую дзяўчыну з тых што намагаліся скончыць з жыццём. Гэта яна робіць каб уратаваць планету... ад самой сябе.

У гэтым анімэ мы пазнаёмімся з Чыа-чан, якая шалёна любіць гуляць у гульні. Бывае, што яна так загуляецца, што спазняецца ў школу, хаця, нават калі і своечасова выйдзе, то па дарозе яна ў любым выпадку трапіць у мноства непрыемнасцяў, якія трэба пераадолець перш чым дайсці да школы. У большасці выпадкаў яна спазняецца...