Любячая сям'я, блізкія сябры, пачуцці радасці і смутку. Гэта тыя рэчы, якія насычаюць нашае звычайнае жыццё. Канамэ Мадока – вучаніца другога класа сярэдняй школы, якая жыве такім звычайным жыццём, пакуль не здараецца дзіўная выпадковая сустрэча. Яна не ведае, супадзенне гэта, або воля лёсу, але відавочныя дзве рэчы... Гэта момант, калі зменіцца яе лёс... Гэта пачатак новай магічнай гісторыі!

Дачка знатнага роду Клас, Катарына, атрымала каменем па ілбу і ўспомніла мінулае жыццё. Аказваецца, яна нарадзілася ў свеце атомэ-гульні Fortune Lover, якую вельмі любіла ў сваёй мінулай інкарнацыі. Толькі вось... перарадзілася дзяўчына ў зладзюшку, што толькі і ведае, як строіць падкопы галоўнай гераіне! Лепшая канцоўка Катарыны — выгнанне, горшая — смерць! І цяпер ёй прыйдзецца зрабіць усё, каб сваімі рукамі стварыць новую шчаслівую будучыню! Вось так і пачынаецца гэтая любоўная камедыя, поўная забаўных непаразуменняў...

Знаёмцеся, Какусі Гато. Ён мангака, які спецыялізуецца на эратычных гісторыях. А яшчэ ў яго ёсць дачка Хімэ, якая вучыцца ў пачатковай школе. Для Какусі няма нічога важней за любімую дачку. І менавіта таму ён робіць усё, каб скрыць тое, чым ён займаецца! Бо інакш дзяўчынка не тое, што расчаруецца ў бацьку — яна напэўна яшчэ і ўзненавідзіць яго! З гэтага і пачынаецца вясёлая і добрая гісторыя пра любячую сям'ю...

Будучы маленькай, Міра Кінохата пазнаёмілася з хлопчыкам Ао, які расказаў ёй аб тым, што ў небе ёсць зорка з ейным іменем. А вось зоркі з іменем Ао не існуе. Тады яны паабяцалі адно аднаму, што будуць разам даследваць космас, каб адкрыць новую зорку і назваць яе ў гонар Ао, і рассталіся. Некалькі гадоў пазней старшакласніца Міра вырашае ўступіць у клуб астраноміі, каб выканаць абяцанае. Аднак усё ідзе не па плане. Аказваецца, што клуб астраноміі аб'ядноўваецца з клубам геалогіі, каб разам стварыць клуб прыродазнаўчых навук. Іменна ў гэтым новым клубе Міра сустракае даўно страчанага сябра Ао Манаку. Нюанс толькі ў тым, што Ао насамрэч — дзяўчынка.