Anibel

Ру / Бел
  • Пераклад
  • Год
  • Жанры
  • Студыі
  • Перакладчыкі
  • Рэдактары
  • Даберы

Залаты Камуй 3 / Golden Kamuy 3 [2 з 12]

Год: 2020
Стан: выпускаецца
Пераклад: субцітры
Студыя: Geno Studio

Прага нажывы і ўласныя амбіцыі моцна змяняюць чалавека. Учорашнія ворагі цяпер сябры, а сябры — ворагі. Наша каманда падзелілася на тры групы. Адну з іх узначальвае Неўміручы Сугімато. Разам са сваімі паплечнікамі ён накіроўваецца ў халодны край Сахаліна. Там засталася адна апошняя зачэпка, што вядзе да золата. Каму можна давяраць? Што за таямніца скрываецца за залатымі гарамі? Хто за ўсім гэтым стаіць? Нашым героям трэба будзе знайсці адказы на гэтыя пытанні і самім не памерці.

Залаты Камуй 2 OVA / Golden Kamuy 2 OVA [2 з 2]

Год: 2019
Стан: завершанае
Пераклад: субцітры
Студыя: Geno Studio

Дадатковыя серыі анімэ «Залаты Камуй 2», які былі выпушчаны ў камплекце з 17-м і 19-м тамамі арыгінальнай мангі.

Re:Zero. Жыццё з нуля ў іншым свеце 2 / Re:Zero kara Hajimeru Isekai Seikatsu 2 [13 з 13]

Год: 2020
Стан: выпускаецца
Пераклад: субцітры
Студыя: DLE

Пасля незлічонай колькасці смерцяў Субару нарэшце ўдалося перамагчы Петэльгейзэ Романэ-Конці. Здавалася, што ўсе перашкоды пройдзены і настаў момант уз'яднання з каханай Эміліяй. Але адбываецца непрадбачнае: на павозку Рэм і лэдзі Крушэ нападаюць двое з Культу Вядзьмаркі. І ў святле апошніх падзей Субару пачынае разумець, што яшчэ нічога не скончылася, а галоўнае — Эмілія і яго сябры знаходзяцца ў вялікай небяспецы!

Залаты Камуй 2 / Golden Kamuy 2 [12 з 12]

Год: 2018
Стан: завершанае
Пераклад: субцітры
Студыя: Geno Studio

Залатая ліхаманка працягваецца. «Неўміручы» Сайці Сугімато разам са сваёй вернай саюзніцай, Асірпай, і кампаніяй паплечнікаў, працягваюць свой шлях за казачным багаццем. Некалькі частак шыфру ўжо знойдзеныя. Ці змогуць сябры атрымаць астатнія часткі і знайсці скарб, не страціўшы чалавечнасць?

Re:Zero. Жыццё з нуля ў іншым свеце: Ледзяныя вузы / Re:Zero kara Hajimeru Isekai Seikatsu – Hyouketsu no Kizuna [1 з 1]

Год: 2019
Стан: завершанае
Пераклад: субцітры
Студыя: DLE

Пакрыты снегам і льдамі лес Эліор ёсць домам для разнастайных магвераў і 50 эльфаў, замарожаных ува льдах. Аднойчы, вышэйшы дух Пак вызваляе адну дзяўчыну з ледзяной турмы. Яе завуць Эмілія, яна паўэльф са срэбранымі валасамі, доўгімі вушамі і ліловымі вачыма — прыкметы, якія нагадваюць злавесную Вядзьмарку Зайздрасці, пераможаную шмат гадоў таму. Будучы адрынутай грамадствам праз яе знешнасць, Эмілія жыве ў лесе разам з Пакам, яе адзіным кампаньёнам і сям'ёй. Абцяжараная грахом, пра які яна не ведае, яна пражывае свае дні ў спробах знайсці спосабы дапамагчы сваёй замарожанай радні. Але калі вышэйшы дух Мелакуэла, арбітр свету, знаходзіць Эмілію, ейнае права на жыццё ставіцца пад сумненне. Ці апынуцца ледзяныя вузы, якімі яна звязаная з Пакам, цёплай ніццю, што дапаможа кінуць выклік лёсу?

Re:Zero. Жыццё з нуля ў іншым свеце: Снежныя ўспаміны / Re:Zero kara Hajimeru Isekai Seikatsu – Memory Snow [1 з 1]

Год: 2018
Стан: завершанае
Пераклад: субцітры
Студыя: DLE

Пасля перамогі над зграяй ульгармаў, Субару нарэшце атрымаў перадышку. Але ён не губляе час і рыхтуецца да спаткання з Эміліяй. Ён вывучае вёску і з дапамогай мясцовых дзяцей знаходзіць для яго цудоўнае месца. На жаль, нечакана настаюць замаразкі ў асабняку Розуэла ў самы важны для Субару дзень. І яму нічога не застаецца, акрамя як адкласці спатканне. Тым часам дзень за днём становіцца ўсё халадней і халадней, і Субару павінен дакапацца да сутнасці праблемы, інакш адкладзенае спатканне стане найменшай з ягоных турбот.

Re:Zero. Жыццё з нуля ў іншым свеце / Re:Zero kara Hajimeru Isekai Seikatsu [25 з 25]

Год: 2016
Стан: завершанае
Пераклад: субцітры
Студыя: DLE

У адзін цудоўны дзень старшакласнік Субару Нацукі пры вяртанні з крамы знянацку трапляе ў іншы свет. Азадачаны тым, якім чынам і дзе ён апынуўся, ён пагаршае становішча, уцягнуўшыся ў бойку з мясцовым людам. Аднак пазней, ратуючы адну срэбравалосую дзяўчыну, ён вырашае з ёй супрацоўнічаць, каб вярнуць прыхільнасць народа да сябе. Нарэшце, знайшоўшы зачэпку, Субару і яго новая знаёмая аказваюцца атакаванымі і забітымі. Пасля гэтага Субару прачынаецца ў месцы, адкуль ён прыйшоў у іншы свет, даведаўшыся, што атрымаў здольнасць «Вяртанне з тагасвету», якая паварочвае час назад да моманту забойства. Але ці зможа герой з падобнай здольнасцю пазбегнуць поўнага адчаю і выратаваць сваю новую знаёмую ад смяротнага лёсу?

DUB
SUB
12/12

Спадарыня Кагуя хоча, каб ёй прызналіся 2 / Kaguya-sama wa Kokurasetai: Tensai-tachi no Renai Zunousen 2 [12 з 12]

Год: 2020
Стан: завершанае
Пераклад: агучка і субцітры
Студыя: A-1 Pictures

Працавіты Міюкі Сіроганэ і першая прыгажуня Кагуя Сіномія — два агульныпрызнаныя геніі прэстыжнай школы «Сюційн», якія ўзначальваюць яе вучнёўскі савет. Яны па-ранейшаму вядуць сваю любоўную вайну, адмаўляючы пачуцці адно да аднаго, бо прызнанне ў іх рамантычным паядынку азначае паражэнне! Аднак кадэнцыя бягучага вучнёўскага савета набліжаецца да канца. Шляхі таварышаў разыдуцца па розных класах, амаль не пакінуўшы пунктаў для перасячэнняў. Да таго ж на гарызонце з'яўляецца новы сапернік на пасаду галавы вучнёўскага савета. Што будуць рабіць рабяты? І хто ж нарэшце выйдзе перамоцам у гэтай любоўнай вайне?

DUB
SUB
13/13

Неба ў цвеце! / Appare-Ranman! [13 з 13]

Год: 2020
Стан: выпускаецца
Пераклад: агучка і субцітры
Студыя: P.A. Works

Канец XIX стагоддзя. У Амерыку па непаразуменню прыбываюць два японца: Апарэ Сарана, сацыяльна неадаптаваны геній інжынерыі, і Касамэ Ісікі — мудры, але баязлівы самурай. Застаўшыся без грошай у чужой краіне, хлопцы вырашаюць прыняць удзел у Трансамерыканскай шалёнай гонцы ад Лос-Анджэлеса да Нью-Ёрка, за перамогу ў якой можна атрымаць мільён долараў. Выйгрыш дазволіць героям вярнуцца на радзіму. Аднак яны не падазраюць, якія небяспекі хавае Дзікі Захад...

DUB
SUB
12/12

Спадарыня Кагуя хоча, каб ёй прызналіся / Kaguya-sama wa Kokurasetai: Tensai-tachi no Renai Zunousen [12 з 12]

Год: 2019
Стан: завершанае
Пераклад: агучка і субцітры
Студыя: A-1 Pictures

Міюкі Сіроганэ — прызнаны малады геній, які мае высокія адзнакі па ўсіх прадметах і, акрамя гэтага, узначальвае вучнёўскі савет адной з самых прэстыжных школ краіны. Хлопек працуе разам з Кагуяй Сіноміяй — намеснікам галавы і, разам з тым, першай прыгажуняй школы. Хаця рабяты не знаходзяцца ў стасунках, вучні лічаць іх выдатнай парай. Папрацаваўшы поплеч доўгі час, героі ўсведамляюць пачуцці адно да аднаго, аднак ніхто не хоча прызнавацца, лічачы гэта за слабасць. І цяпер яны гатовыя здзяйсняць любыя, нават самыя шалёныя ўчынкі, каб атрымаць прызнанне.

Залаты Камуй OVA / Golden Kamuy OVA [1 з 1]

Год: 2018
Стан: завершанае
Пераклад: субцітры
Студыя: Geno Studio

Дадатковая серыя анімэ «Залаты Камуй», якая была выпушчана ў камплекце з 15-м томам арыгінальнай мангі.

Залаты Камуй / Golden Kamuy [12 з 12]

Год: 2018
Стан: завершанае
Пераклад: субцітры
Студыя: Geno Studio

Гэта гісторыя бярэ свой пачатак на востраве Хакайда напрыканцы эпохі Мэйдзі. Нядаўна скончылася Руска-японская вайна, у якой Японія атрымала перамогу. Адным з салдатаў гэтай вайны быў Сайці Сугімато, якога празвалі «Неўміручым». Даўшы абяцанне свайму загінуламу таварышу, Сугімато стаў золаташукальнікам, каб аплаціць лячэнне хворай удавы свайго сябра. Аднак, да яго даходзяць чуткі, быццам нехта схаваў на востраве скарбы айнаў. Сугімато адурманьвае залатая ліхаманка, і ён адпраўляецца на пошукі гэтых скарбаў. Але ён не адзіны, хто іх шукае...