У пошуках вольнага жыцця шаснаццацігадовы Ходака ўцякае з бацькоўскай хаты ў Токіа. Дождж ліе некалькі тыдняў запар, працу збегламу школьніку знайсці складана, апошнія грошы на зыходзе. Можа, выпадкова сустрэтая дзяўчына стане для яго тым самым сонечным промнем?

Не кожны дзень табе даюць магчымасць пачаць новае жыццё. Асабліва адразу, калі мінулае скончылася смерцю. Але нашаму галоўнаму герою менавіта так і пашчасціла! Багіня прапанавала яму адправіцца ў свет, які так падобны на гульні, у якія гуляў Сато. Аднак калі ён апынуўся там, то зразумеў, што ў жыцці ўсё крыху інакш, чым у камп’ютары. Ды яшчэ і Кароль Дэманаў пагражае знішчыць гэты свет. І ўсё было б дарма, калі б тут ён не набыў таго, чаго ў яго не было ў мінулым жыцці: паплечнікі і сябры, каб пераадолець усе беды. Праўда, шкада, што часцей за ўсё яны бескарысныя…

Першае правіла Адваротнага Лондана – звычайным людзям ні пры якіх абставінах нельга чапаць цмокаў. Больш правілаў няма. Аднак, аднаму з херояў было складана вывучыць гэтак вялізарны спіс, у выніку чаго Лондану стаў пагражаць вялікі трындзец. А разграбаць усё гэта адправілі нашых дзяўчынак-ведзьмаў: мілку Ніні Спангл і не менш мілую Ноэль Ніхасі.

Такакі і Акары разам навучаліся ў пачатковай школе. Яны часта сустракалі адно аднаго ў бібліятэцы, таму хутка пасябравалі. Паступова іх сяброўства ператварылася ў каханне. Яны абое марылі пайсці ў адну сярэднюю школу. Аднак з-за таго што бацькі Акары вырашылі пераехаць, гэтая мара была разбіта ўшчэнт. Адлегласць у дзясяткі кіламетраў — вялізарная для дзіцяці і не такая вялікая для дарослага… але здольнасць прайсці гэты шлях не заўсёды дапамагае пераадолець бездань, што ўзнікае паміж людзьмі.