Вітаем вас у акадэміі Сэтон, у якой усё жыццё – адзін натуральны адбор, бо ў ёй навучаюцца разнастайныя прадстаўнікі фаўны! Ёсць і зебры з коньмі, і мядзведзі, і настаўнік – тыраназаўр, а дырэктар – анамалакарыс. І вось, у гэтую дзіўную акадэмію паступаюць ажно два чалавекі, Дзін Мадзама і Хітомі Хіно… але гэта далёка не ўсе дзівацтвы, якія чакаюць нас у гэтай навучальнай установе!

Будучы маленькай, Міра Кінохата пазнаёмілася з хлопчыкам Ао, які расказаў ёй аб тым, што ў небе ёсць зорка з ейным іменем. А вось зоркі з іменем Ао не існуе. Тады яны паабяцалі адно аднаму, што будуць разам даследваць космас, каб адкрыць новую зорку і назваць яе ў гонар Ао, і рассталіся. Некалькі гадоў пазней старшакласніца Міра вырашае ўступіць у клуб астраноміі, каб выканаць абяцанае. Аднак усё ідзе не па плане. Аказваецца, што клуб астраноміі аб'ядноўваецца з клубам геалогіі, каб разам стварыць клуб прыродазнаўчых навук. Іменна ў гэтым новым клубе Міра сустракае даўно страчанага сябра Ао Манаку. Нюанс толькі ў тым, што Ао насамрэч — дзяўчынка.

”Такійскі Мармуравы Шакалад” — пра пару закаханых, Цідзуру і Юдая. Абодва персанажа — сапраўдныя няўдачнікі ў справах кахання. Яны спадзяюцца што нарэшце, у гэты раз, усё выйдзе як па масле і яны будуць разам. Але Цідзуру не мела аніякага ўяўлення пра пачуцці Юдая да яе, бо ён ані разу так і не прызнаўся ёй у каханні. У гэты час Юдай спрабуе пераадолець у сабе страх прызнання ў каханні да Цідзуру. Час, які яны былі правесці разам... Важныя пачуцці, якія трэба было агучыць... Нязначныя, але дарагія сэрцу рэчы, якія звычайна забываюцца ў паўсядзённасці. Які адказ знойдуць яны, будучы далёка адзін ад аднаго? Гэта гісторыя пра іх пачуцці і думкі, якая распаведзена з двух розных бакоў.

У вёску Хінамідзава — мірную і спакойную глыбінку — з сям'ёй пераязджае новы хлопец, Кэіці Маэбара. Пераязджае якраз у час, каб патрапіць на Ватанагасі — фестываль сканчэння зімы. Хутка хлопец знаёміцца з аднакласніцамі, становіцца іх новых сябрам. Але хлопцу пачынае здавацца, што нешта ў жыхарах гэтай аддаленай ад цывілізацыі вёсцы здаецца дзіўным. І з цягам часу гэта пачуццё толькі расце. Што, калі яго падазрэнні акажуцца праўдай? Што калі яго сяброўкі — не тыя, за каго сябе выдаюць? Якія ж таямніцы хаваюць ад хлопца?

Юдзі Ітадоры — моцны юнак, які жыве звычайным жыццём старшакласніка. Аднойчы, каб выратаваць сяброў ад нападу праклёнаў, ён з’ядае палец Двухаблічнага прывіда, які становіцца часткай яго душы. Ад гэтага моманту хлопец дзеліць з ім сваё цела. Пад наглядам Сатору Годзё, аднаго з наймацнейшых магаў, Ітадоры паступае ў магічны тэхнікум, дзе вучаць змагацца з праклёнамі.

Падзеі адбываюцца ў будучыні, калі пасля эпідэміі віруса «Апакаліпсіс», у Японіі пачынае кіраваць арганізацыя GHQ, якая мае амаль поўную уладу над краінай. Галоўны герой Ома Шу па волі абставін трапіў ў групу супраціву «Трунары». Гэтая група спрабуе вярнуць былую моц краіны і змагаецца супраць арганізацыі GHQ. Як галоўны герой патрапіў у гэтыю групу? А вельмі проста. Усё гэта дзякуючы дзяўчыне, імя якой Іноры Юдзурыха. Яна актыўна удзельнічае ва ўсіх справах арганізацыі «Трунары». І падчас адной з іх перасякаецца з Шу.

1999 год. Марыё, звычайны ціхі і спакойны гарадок, які ў апошні час стаў ачагом падазронай актыўнасці. Джотаро Куджо, які да гэтага часу стаў марскім біёлагам, накіроўваецца ў таямнічы горад, каб сустрэцца з Джосукэ Хігасікатам. Хаця спачатку можа здасца, што яны чужыя адзін аднаму, насамрэч Джосукэ з'яўляецца незаконнанароджаным сынам дзеда Джотаро, Джозэфа Джостара. Калі яны сустракаюцца, Джотаро разумее, што яго з Джосукэ звязвае нешта большае, чым кроўнае сваяцтва. Разам з рахманым Койці Хіросэ і шумлівым Окусяу Нідзімурам, Джотаро і Джосукэ займаюцца расследаваннямі нядаўніх знікненняў і іншых падазроных здарэнняў у Марыё. Пры дапамозе сілы стандаў ім давядзецца раскрыць многія падазроныя справы ў горадзе, перш чым настане яшчэ адна...

Пераадолеўшы большую частку шляху, Куджо Джотаро і яго спадарожнікі — шэраг якіх цяпер папоўнены сабакам Ігі — не без цяжкасцяў накіроўваюцца праз увесь Егіпет у Каір. Да вырашальнай бітвы з Дыё ім прыйдзецца сутыкнуцца з дзевяццю ўладальнікамі стандаў егіпецкіх багоў. Новыя ворагі не саступаюць у сваёй сіле ўжо пераможаным і гэтак жа аддана не выдаюць таямніцу гаспадара аб здольнасцях яго загадкавага станда, «The World».

Ад самага пачатку сваёй вайны супраць сіл зла, так званага Прапаведніка, Сінра Кусакабэ і 8-я Асаблівая пажарная брыгада раскрыла свету невераемныя сакрэты, якія робяць місію Сінры яшчэ больш важнай. Як аказалася, датычнасць да феномена самаўзгарання мае тая самая арганізацыя. Сабраўшыся з думкамі, Сінра і ягоныя сябры вырашаюць раз і назаўжды пакончыць з сіламі ворага. Але для Кусакабэ гэтая місія становіцца больш асабістай, пасля таго, як ён даведваецца пра ўсю праўду аб сваім мінулым ад капітана Бурнса.

«Бог старшай школы» — гэта турнір змешаных адзінаборстваў для старшакласнікаў з усёй Карэі. Дзін Моры з дзяцінства жыве сам, пасля таго, як развітаўся з дзедам Тхэдзімам. Ён накіроўваўся на адборачны раўнд турніру, але ў выніку адправіўся ў пагоню за злодзеем на мапедзе...

Дадатковы эпізод, які выйшаў у 4-м томе BD/DVD-выданні серыяла і не трансліраваўся ў эфіры. Дзеянні адбываюцца паміж 4-м і 5-м эпізодамі.

У японскай турме сядзіць сямнаццацігадовы Куджо Джотаро: задзіра, разгільдзяй, забіяка... і ён апантаны некантралюемай сілай! Па ўсім свеце прачынаюцца злыя духі, Станды, жахлівыя нябачныя стварэння, якія дораць сваім носьбітам невераемныя сілы. Каб выратаваць жыццё сваёй маці, Джотаро павінен утаймаваць невядомыя сілы, што сядзяць у ім, і адправіцца ў Егіпет, а дакладней, у Каір, дзе знаходзіцца ўжо ўсім нам знаёмы стогадовы вампір, які прагне крыві яго сям'і. Але дарога доўгая, ды яшчэ цэлая армія злавесных уладальнікаў стандаў чакае на кожным кроку, каб забіць і самога ДжоДжо, і яго сяброў...